Два од два: МЗТ Скопје Аеродром подобар од шампионот на Бугарија!

2018 31 Авг

Два од два е скорот на МЗТ Скопје Аеродром во подготовкителните натпревари пред новата сезона, откако по неодамнешниот триумф над Гостивар, вечерва, со одлична игра во најголем дел од мечот, со совладавме актуелниот бугарски шампион, Левски Лукоил (97-93).

Сино-белите ја имаа контролата врз играта и резултатот во најголемиот дел од средбата, а неретко позитивата беше изразена и со двоцифрена разлика. Најголемото водство на нашиот тим беше со плус 14 (70-56), што доволно говори за заслуженоста на вечерашниот триумф. Постигнавме дури 16 тројки и имавме скромни, за ваков брз меч, десет загубени топки. Одбраната е нешто што тренерот Ѓорѓи Кочов сигурно ќе работи понапорно во следниот период, со оглед што има уште речиси еден месец до првиот меч во АБА2-лигата против Хелиос дома на 27 септември.

Дури шестмина во нашиот состав имаа двоцифрен поентерски ефект. Лестер Медфорд со 21 поени беше најпрецизен кај МЗТ Скопје Аеродром, Иве Иванов и Андрија Бојиќ реализираа по 15 поени, Џејмс Вудард беше стрелец на 12 поени додека Дамјан Стојановски и Марко Симоновски постигнаа по 11 поени.

Двете екипи ќе одиграат уште еден контролен меч (утре на пладне), кој ќе биде од затворен карактер.

4 Uni Banka.jpg4 sport m logo web.jpg6. adidas.jpgPekabesko 1.jpgadora logo za sajt.jpgaerodrom-novo-logo.jpgcedevita logo web.jpgcevahir logo za sajt.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page