Рутинска победа над Феникс!
Кошаркарите на МЗТ Скопје продолжуваат да ја демонстрираат својата доминација во домашното првенство, запишувајќи нова сигурна победа – овој пат против тимот на Феникс со резултат 85-77.
Иако натпреварот се одигра без стандардниот центарски тандем Крстевски–Маслинко, аеродромци уште еднаш покажаа зошто се на врвот на табелата. Играјќи како „гости“ на домашен терен, актуелните шампиони го контролираа темпото од самиот почеток и заслужено стигнаа до триумф.
Најзабележителни во таборот на МЗТ Скопје беа:
- Дион Едвин со 21 поен и 9 скока
- Андреј Магдевски со 16 поени, 5 скока и 6 асистенции
- Милош Копривица со 15 поени, 7 скока и 5 асистенции
- Војдан Стојановски со 12 поени
Со овој триумф, нашиот тим го подобри билансот на 16 победи и 5 порази, задржувајќи го првото место на табелата пред последното коло од регуларниот дел на сезоната. МЗТ Скопје со полна самодоверба влегува во завршницата и ја очекува плејоф фазата, каде амбициите за нова титула остануваат непроменети.