Рутинска победа на гостувањето во Гостивар!

МЗТ Скопје Аеродром се врати на победничките патеки со убедлив триумф на гостувањето кај Гостивар, славејќи со 77-57 во меч во кој актуелниот шампион доминираше од првата до последната минута.

Избраниците на тренерскиот штаб одиграа зрела и контролирана партија, оставајќи зад себе горчливиот привремен удар од службениот пораз против Ангели – резултат на несреќен сплет административни пропусти и недоразбирања кај официјалните лица.

На теренот, „плаво-белите“ изгледаа моќно и распоредено, а најпрецизен во таборот на МЗТ беше Мек Смит со 14 поени. Одлична поддршка дадоа Илајџа Мекејден и Бојан Крстевски, кои постигнаа по 12 поени. Чарлс Гил оствари значаен двоцифрен учинок во скоковите, завршувајќи со 6 поени и 10 скока.

МЗТ го контролираше ритамот, темпото и резултатот во сите линии, остварувајќи важна и убедлива победа која дополнително го стабилизира тимот пред продолжението на сезоната.

Следниот предизвик за шампионот доаѓа веќе в сабота, кога во „Јане Сандански“ гостува екипата на Куманово. Клубот ги повикува навивачите да дојдат во што поголем број и заедно да ја донесат новата победа.