МЗТ Скопје го прегази Феникс на стартот од плејофот!
Кошаркарите на МЗТ Скопје со сигурен и доминантен настап ја отворија четвртфиналната серија од плејофот во Првата лига, совладувајќи го тимот на Феникс со убедливи 81-58.
„Металците“ уште од самиот старт ја контролираа играта, наметнувајќи силно темпо и практично не оставајќи простор за изненадување. Единствено прашање во текот на натпреварот беше колку ќе изнесува конечната разлика на таблата.
Стручниот штаб го искористи високото водство за да им даде минутажа на сите играчи од клупата, што дополнително ја истакна ширината на ростерот на МЗТ Скопје. Единствениот кој не настапи беше Андреј Маслинко, поради повреда.
Најефикасни поединци:
- Дамјан Стојановски – 17 поени
- Милош Копривица – 15 поени и 15 скокови (дабл-дабл)
- Андреј Андоноски – 13 поени и 8 скокови
- Војдан Стојановски – 11 поени
- Андреј Магдевски – 5 поени, 7 скокови и 8 асистенции
Серијата се игра до три добиени натпревари, а вториот меч е закажан повторно во СЦ „Јане Сандански“, в сабота на 26 април. Тимот ќе се обиде да ја удвои предноста и со максимална самодоверба да се приближи кон пласман во полуфиналето.