Половина од репрезентацијата на Македонија доаѓа од МЗТ Скопје Аеродром!

2021 05 Јул

Селекторот на македонската кошаркарска репрезентација, Драган Бајиќ, денеска го објави поширокиот список на кој има 30 имиња поделени во перспективен и секиорски дел, а во кој доминираат кошаркари кои минатата сезона го носеа сино-белиот дрес на МЗТ Скопје Аеродром односно кои следната сезона ќе настапуваат за нашиот клуб.

Скоро половина од нив се од двата прволигашки тима од Аеродром, што и тоа како говори за нашта доминација, која не е само во делот на освоени титули туку и во создавањето и неговувањето на македонскиот играчки потенцијал. Меѓу талентираните, кои од 10 јули ќе се обидат да го импресионираат Бајиќ се наоѓаат Максим Митевски, Михаил Наумоски, Лука Савиќевиќ, Андреј Андоновски, Леонид Тодоровски и Лејсон Зекири, кои беа меѓу најзаслужните за опстанокот на МЗТ Скопје УНИ Банка, како и Димитар Иванов, кој настапуваше за нашиот најдобар тим и тоа добивајќи шанса не само на домашните средби туку и во натпреварите од АБА2-лигата.

Слична е и доминацијата во составот со кој новиот предводник на националниот тим ќе се обиде да дојде до позитивен резултат во претквалификациите за СП 2023, кои ќе се одржат во Скопје (12-18 август). Андреј Магдевски, Кристијан Николов, Бојан Крстевски и Адем Мекиќ се кошаркарите кои минатата сезона освоија двојна круна во сино-белиот дрес, како и нашата најнова аквизиција, Дамјан Робев.

Со сето ова, МЗТ Скопје Аеродром само потврди дека и тоа како е општествено-одговорен клуб, кој и досега и во иднина ќе им дава предност и шанса за развој на домашните кошаркари и ќе инвестира во нив, со оглед што тоа не е само во интерес на клубот туку и на македонската кошарка во целост.

УниБанкаОпштина Аеродром

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page