Испечатете ја страната

Остануваат Радуловиќ, Крстевски, Мекиќ, побогата понуда за Магдевски, потпишан и Робев!

2021 28 Јун

Покрај Дамјан Стојановски, кој има уште една година од лани потпишаната обврска со нашиот клуб, управата на МЗТ Скопје Аеродром во изминатиов период работеше на обнова на договорите и со најзаслужните за освојување на двојната круна минатата сезона.

Нашата екипа и во иднина ќе биде предводена од Дарко Радуловиќ, кој успешно седна на клупата кон средината на март и го предводеше однесе тимот до посакуваниот успех, откако потпиша нов едногодишен договор со гордоста на Аеродром. Во екипата најмалку до крајот на следната сезона ќе бидат и Бојан Крстевски и Адем Мекиќ, кои исто така ја продолжија соработка. Потпис на двегодишна соработка со МЗТ Скопје стави и Дамјан Робев (24 год, 195 см), зад кого е одлична сезона во Куманово.

Меѓу првите со кои преговараше нашиот клуб е и плејмејкерот Андреј Магдевски, кој беше избран за МВП на финалната серија од плејофот и кој од нашата управа доби побогата понуда во однос на тоа што го имаше досега. Тој во моментов е на заслужен одмор, по што очекуваме да добиеме одговор од него со цел полека да го оформиме македонскиот дел од тимот со кој ќе ја браниме доминацијата во македонската кошарка.