Испечатете ја страната

Лукајиќ: Првите победи над Работнички и Блокотехна дојдоа во вистински момент!

2018 18 Фев

Кошаркарите на МЗТ Скопје Аеродром на патот кон деветтиот трофеј во Купот на Македонија ги совладаа двете во моментов водечки екипи во домашното првенство, Работнички и Блокотехна, што му дава дополнителен шмек на успехот во Кавадарци.

За составот од „Градски парк“ тоа воедно беше прв пораз по низата од 18 победи по ред од почетокот на сезоната на домашна сцена, а против гевгеличани по двата неуспеха во низа.

„Уште е послатко што на патот кон пехарот првпат го поразивме Работнички, исто како како и вчера кога по два порази ја совладавме Блокотехна. Тоа е добро за македонската кошарка, да има изедначени клубови. Ваквите натпревари раѓаат херои и создаваат големи играчи. Дербијата даваат и мотив за младите играчи да продолжат да се развиваат како што треба. Секој тренира и работи за ваква голема кошаркарска претстава“, изјави Лукајиќ.