МЗТ Скопје поразен од Партизан на домашен терен

2015 01 Фев

МЗТ Скопје Аеродром е поразен од Партизан со резултат 55-63 во натпреварот од 20.то коло на АБА лигата кој се одигра вечерва во салата Јане Сандански. Во натпревар кој помина со мал број на постигнати поени, гостите од Белград беа тие кои на крајот се радуваа на победата. МЗТ Скопје одигра солидни три четвртини по кои имаше водство од 1 поен, но целосно потфрли во последниот период каде што постигна само 6 поени, а дозволи Паратизан да постигне 15.
Сеад Шеховиќ со 19 реализирани поени беше најефикасен играч на вечерашниот меч. Покрај него, со двоцифрен број на поени беше уште и Урош Лучиќ со 10 поени и 7 скока. Предраг Самарџиски мечот го заврши со 8 поени на кои додаде и 8 скока.

Александар Павловиќ со 13 поени го предводеше тимот на Партизан до триумфот. Михајло Андриќ постигна 11, додека Милан Мачван 10 поени.

Следниот натпревар за МЗТ Скопје во АБА лигата, е дуелот од 21.то коло и гостувањето во Ваљево, против домашниот состав на Металац.

УниБанкаОпштина Аеродром

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page