Рикиќ: Ќе дадеме сѐ двојната круна да остане во Аеродром!

2021 01 Сеп

Поранешниот кадетски репрезентативец на Хрватска во ракомет, Роберт Рикиќ (31 год, 2019 см), кој потоа повеќе од успешно се префрли на кошарка, ќе биде високата „антена“ во рекетот на МЗТ Скопје Аеродром во новата сезона, но и константна опасност по обрачот на сите противници.

Тој веќе добро ги познава условите во македонската кошарка, со оглед што дел од минатата сезона мина во дресот на Еуро Никел, поради што без никакво размислување најавува продолжување на доминацијата на нашиот тим во домашните натпреварувања.

„Уште пред да дојдам во Македонија знаев многу работи за МЗТ Скопје Аеродром. Среќен сум што добив шанса да бидам дел од клубот кој е синоним за македонската кошарка во регионот. Сѐ уште сме на почеток од подготвките, полека се комплетираме и мислам дека пред нас е добра сезона. Имаме добар состав со одлични момци, хемијата полека се создава и верувам дека со напорна работа и максимална борба ќе успееме да го оствариме тоа што од нас се бара – да ја задржиме двојната круна во Аеродром. Нема да биде лесно, противниците исклучително се засилија летово, но на нас е да го оставиме срцето на теренот и да им покажеме на навивачите дека заслужуваме да го носиме овој дрес“, изјави Рикиќ.

Хрватскиот интернационалец роден во БиХ кариерата ја почна во Загреб, а досега има играно за Широки, Будуќност, Игокеа, Сплит и УСК Праха. Досега има освоено шампионски титули во Црна Гора и во БиХ, како и четири победи во босанскиот куп, а две во најмасовното црногорско натпреварување

УниБанкаОпштина Аеродром

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page