МЗТ Скопје Аеродром со победа над Бакиркој баскет ја заврши мини-турнејата во Турција!

2017 08 Сеп

Кошаркарите на МЗТ Скопје во третиот меч дојдоа до првата победа во контролните средби пред новата сезона, откако денеска, во Истанбул, го совладаа турскиот второлигаш Бакиркој баскет со 92-72.

Тоа беше претерано нервозен пријателски меч, за што највиновна беше судиската тројка, која имаше голем број лоши одлуки, од кои најголем дел беа против македонскиот шампион. Каков беше нивниот критериум говори и фактот што двајцата центри во нашиот тим, Бојан Трајковски и Даниел Џенсен уште по првото полувреме имаа по четири прекршока.

Ваквото судење беше причина што домаќинот речиси три четвртини имаше резултатска изедначеност, а често пати беше и во водство. Големата разлика во квалитет, сепак, дојде до израз во последните десетина минути, кога „металците“ наврзина дојдоа и до плус 15 (78-63) што им беше доволно за „сефте“ триумф во досегашниот дел од подготовките.

Дамјан Стојановски беше убедливо најдобар во МЗТ Скопје Аеродром со 23 постигнати поени, а добра офанзивна партија прикажа и Даниел Џенсен со 20 поени. Брет Бејли застана на 12 поени, а Адем Мекиќ и Бојан Трајковски реализираа десет односно осум поени.

Сино-белите веднаш по мечот се враќаат во Македонија, каде што во понеделник накусо ќе продолжат со тренинзи пред заминувањето на нова мини-турнеја, овој пат во Бугарија и Романија каде што ќе ги одмерат силите со Левски, Лукоил Академик и двапати со Крајова.

Бакиркој баскет - МЗТ Скопје Аеродром 72-92 (23-24, 25-25, 15-21, 9-22)

МЗТ СКОПЈЕ АЕРОДРОМ: Гарсија 9, Стајиќ 2, Бејли 12, Мекиќ 10, Стојановски 23, Митев, Пенов 7, Маслинко 1, Мамузиќ, Тодоровски, Трајковски 8, Џенсен 20.

1 Sinalco Logo.jpg3kozuvcanka logo.jpg4 sport m logo web.jpg5.Adora logo.jpg6. adidas.jpgBauer logo.jpgJsp_turs1.jpgTineks.jpgaerodrom-novo-logo.jpgcedevita logo web.jpggoldenart logo.jpgsistina logo web.jpgtelekom logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и осум титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: АСНОМ БР.1, 1000 Скопје

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page