Стефанов и Војновиќ го внесоа МЗТ Скопје во финалето од Ф4-турнирот во М-12 лигата!

2017 27 Мај

Како во некои дамнешни времиња, играчите со презимињата Стефанов и Војновиќ беа најзаслужни за победата на МЗТ Скопје Аеродром, но овој пат тоа не беа поранешните репрезентативци Врбица и Ѓорѓе туку нивните синови, Рубин односно Тео, кои ги предводеа сино-белите до убедлив триумф над Партизан Водно санс (67-52).

Тоа беше полуфинална пресметка од фајналфор-турнирот за играчи до 12 години, кој викендов се одржува во малата сала во спортскиот центар „Јане Сандански“. Во утрешното големо финале и битка за златниот медал, избраниците на тренерот Митко Маринковски ќе се сретнат со екипата на Дино баскет од Кочани, која во првото полуфинале беше подобра од МВП Струмица.

МЗТ Скопје Аеродром беше далеку подоминантен отколку што покажува крајниот резултат, со оглед што на крајот од третата четвртина водевме и со дури 31 поен разлика (63-32). Потоа тренерот Маринковики во игра ги внесе играчите од клупата, што противникот го искористи убедливо да ја добие последната четвртина и колку-толку да ја намали огромната негатива.

Главна ѕвезда на денешниот меч беше Стефанов, кој одигра вистинска симултанка завршувајќи ја средбата со дури 40 поени (осум тројки) заедно со седум скока. Веднаш зад него беше Војновиќ со 20 постигнати поени. Лука Дејановски постигна два поени со девет скока, Лука Серафимовски два поени со шест скока, Ристе Буклишев два поени со пет скока додека Павел Иванов реализира еден поен, но оствари и седум скока.

РАСПОРЕД НА НАТПРЕВАРИТЕ

НЕДЕЛА (28 мај)

ЗА 3. МЕСТО

Партизан Водно санс – МВП Струмица (12 часот)

ФИНАЛЕ

МЗТ Скопје Аеродром – Дино баскет (14 часот)

1 Sinalco Logo.jpg3kozuvcanka logo.jpg4 sport m logo web.jpg5.Adora logo.jpg6. adidas.jpgBauer logo.jpgJsp_turs1.jpgTineks.jpgaerodrom-novo-logo.jpgcedevita logo web.jpggoldenart logo.jpgsistina logo web.jpgtelekom logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и осум титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: АСНОМ БР.1, 1000 Скопје

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page