ЖКК МЗТ Скопје ќе ја развива женската кошарка во општина Аеродром

2019 27 Дек

Семејството на спортската гордост на општина Аеродром, екипата на МЗТ Скопје, е побогато за еден член, откако денеска и официјално беше промовиран женскиот кошаркарски тим, кој во иднина ќе настапува под името ЖКК МЗТ Скопје Аеродром.

Станува збор за своевидна фузија со прволигашот со долга и богата традиција, Студент Академија, кој веќе официјално го промени името и во вториот дел од сезоната ќе настапи како дел од сино-белото семејство. Извршниот директор на актуелниот шампион, Тони Грнчаров, пред новинарите ја објасни идејата за вклучување и на женски тим под капата на „металците“.

„По консолидирањето на младинската школа, што кулминира со играње и со вториот тим во Првата лига, дојде време да направиме чекор напред во делот на вклучување и на женски состав во нашето семејство. Свесни сме на драстичниот пад на македонската женска кошарка, поради што сметавме дека можеме да дадеме свој придонес на нејзината популаризација. Може да понудиме одлични услови за тренирање, а воедно живееме во општина во која има многу девојчиња кои со правилна работа во иднина би можеле да прераснат и во репрезентативки. Огромна благодарност до општината Аеродром, која несебично го помага спортот и тоа не само со вложувања во нашиот клуб, туку и во инвестирањето во многу други спортски колективи“, изјави Грнчаров.

На прес-конференцијата беше присутна и Весна Марковска, координатор за родова еднаквост при општина Аеродром.

„Секојдневно слушаме за декларативни заложби за родовата еднаквост, но за таа да се спроведе во дело потребни се храбри потези и конкретни акции. Општина Аеродром имаше храброст да презеде вакви акции, преку давањето помош за формирање на женскиот кошаркарски клуб како дел од семејството на МЗТ Скопје Аеродром. Локалната самоуправа, исто како и машкиот, финансиски ќе го помага и женскиот сино-бел колектив со надеж дека со ова ќе ја подигне свеста за родовота еднаквост во општината“, изјави Марковска.

Тренер на екипата која во вториот дел од првенството во Првата лига ќе се натпреварува под името ЖКК МЗТ Скопје Аеродром ќе биде Вела Красниќ.

„Благодарност до општина Аеродром за помошта која ни ја дава, бидејќи само така ќе може да ги оствариме зацртаните цели. Наша цел е омасовување на женската кошарка во Аеродром, односно создавање база од која потоа ќе црпиме идни репрезентативки. Досега, како Студент Академија, работевме во несоодветни услови, но се надевам дека со новата помош ќе може целосно да им се посветиме на девојчињата, без да се грижиме за обезбедување на потребните средства за работа. Наша цел е со посериозна работа да ја изградиме основата, со која од следната сезона ќе може да се надеваме на поголеми успеси“, изјави Красниќ.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page