Најмладите таленти на МЗТ Скопје ќе настапат на меѓународниот турнир „Гази Баба 2019“

2019 19 Дек

Кошаркарите на возраст од девет и десет години кои тренираат во школата на МЗТ Скопје Аеродром в недела ќе настапат на силен меѓународен предновогодишен турнир „Гази Баба 2019“, кој за првпат ќе се одржи во салата на основното училиште „Крсте Мисирков“, а кој со сигурно ќе се игра и во иднина како кошаркарски симбол на оваа скопска општина.

Покрај нашиот тим, на овој мини-баскет собир ќе настапат и екипите на Феникс, МВП и Вардар од Скопје, како и Плеј 017 од Бујановац и Пантери од Врање. Тимовите се поделени во две групи, а сино-белите момчиња во првата фаза ќе играат заедно со МВП и со Плеј 017. Двата првопласирани ќе продолжат во полуфиналето, од каде што според нокаут-систем ќе се дојде до победникот.

МЗТ Скопје ќе го отвори турнирот против МВП (10 часот), а час иполовина подоцна ќе игра против Плеј 017. Потамошните наши средби зависат од резултатите од овие два натпревари.

Организаторот планира вистински мини-баскет спектакл на кој, како гости, ќе се појават и многу познати имиња од сениорската кошарка, меѓу кои ќе бидат нашиот тренер, Ѓорѓи Кочов и капитенот Дамјан Стојановски.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page