К.К. МЗТ Скопје Аеродром

„Триглав Осигурување“ останува дел од спонзорскиот тим на МЗТ Скопје Аеродром

2019 26 Nov

Управата на МЗТ Скопје Аеродром со гордост може да ја потврди дека и во сезоната која е во тек ќе ја има поддршката и финансиската помош од компанијата „Триглав Осигурување“ АД Скопје, која веќе подолг период наназад е дел од нашиот победнички тим на спонзори.

Станува збор за компанија која е долгогодишен лидер на пазарот во сферата на осигурувањето, а која како друштво постои на македонскиот пазар повеќе од 45 години. „Триглав Осигурување“ АД Скопје е пазарен лидер со прогнози за раст и углед на стабилна финансиска организација, што е само еден од показателите дека ги применува корпоративните стандарди и вредности на групацијата на која што припаѓа, секако прилагодени на македонскиот пазар и менталитет. Тоа го препознаваат клиентите, а го докажуваат и истражувањата, според кои пазарот го оценува „Триглав Осигурување“ како компанија која нуди највисок квалитет, финансиска сигурност и доверливост. Во рамките на независното истражување на пазарот, македонската јавност го оцени „Триглав“ како осигурителна компанија која нуди апсолутно најдобар квалитет на македонскиот пазар.

Со потпишувањето на договорот, оваа компанија им се придружи „УНИ Банка“, „Млекара Ѓоргиеви“, „Болница Неуромедика“, како и на уште неколку други фирми кои несебично го помагаат нашиот клуб со цел да ги оствариме посакуваните резултати, а тоа е освојување на осмата титула, десеттиот трофеј во Купот на Македонија како и највисок пласман во АБА2-лигата.

Соработката со „Триглав Осигурување“, како и со еминентните фирми кои веќе ги набројавме, декако би требало да бидат и мотив плус за останатите општествено-одговорни компании кај нас да ја препознаат нашата победничка приказна и да станат дел од нашиот тим пријатели, без чија помош не би можеле да се стремиме кон најголемите височини.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: This email address is being protected from spambots. You need JavaScript enabled to view it.

 

Следете не и на

Top of Page