Поранешен кошаркар на МЗТ Скопје е херојот за кој зборува цела Македонија!

2019 31 Јан

Некогашниот крилен центар на МЗТ Скопје Аеродром, Мирослав Деспотовиќ, деновиве е во центарот на вниманието на јавноста во Македонија и тоа поради гест со кој ја враќа вербата во исконската чесност на луѓето и со кој само потврдува дека спортистите односно кошаркарите се навистина посебен сој.

Нашиот поранешен играч, кој сега работи како возач на автобус во ЈСП, се најде на насловните страници на медиумите, откако излезе на виделина неговата несебичност во ситуација во која многу други сигурно би постабиле поинаку. Деспотовиќ пронашол паричник полн со пари и тоа веднаш го пријавил по што тој бил вратен на сопственикот.

Несекојдневниот настан се случил во автобусот со број „53“, кој сообраќа од Транспортниот центар до Катлановска бања. Скопјанецот Фериз Шабани, со својата сопруга и со целата плата в џеб, тргнал да пазарува на Бит-пазар, а паричникот го изгубил меѓу седиштата. Го открил големиот борец во сино-белиот дрес на последната постојка кај Транспортниот центар, при редовната контрола на празниот автобус.

Пресреќен сум, плачев од радост. Во паричникот ми беше целата плата, да не зборувам дека внатре беа мојата и личната карта на мојата сопруга и сите други документи. Не знам како ќе преживеев без парите, до следната плата. Премногу сум благодарен што сè уште постојат чесни луѓе“, изјави Шабани за дневниот весник „Независен“.

Во паричникот имало 10.000 денари и 200 евра, но и покрај фактот што бил сам во автобусот и никој не би знаел, поранешниот кошаркар во ниту еден момент не помислил да ги присвои парите.

Деспотовиќ дресот на МЗТ Скопје Аеродром го носеше пред десетина години, а беше познат како бескомпромисен борец со големо срце. Во кариерата има играно уште и за Вардар и за Лирија.

ФОТО: Независен.мк

4 Uni Banka.jpg4 sport m logo web.jpg6. adidas.jpgPekabesko 1.jpgadora logo za sajt.jpgaerodrom-novo-logo.jpgcedevita logo web.jpgcevahir logo za sajt.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page