Десеткуваниот МЗТ Скопје Аеродром пружи силен отпор во дуелот со Македонија!

2018 08 Сеп

Десеткуваниот состав на МЗТ Скопје Аеродром, во кој недостасуваа дури седуммина првотимци, пружи и тоа како силен отпор во вечерашната пресметка со репрезентацијата на Македонија (82-94), во контролен меч од затворен карактер одигран во салата „Јане Сандански“.

Четворица од отсутните постојано играа за „противникот“ и тоа Дамјан Стојановски, Андреј Магдевски, Љубомир Младеновски и Дарко Соколов, додека Андреј Маслинко одигра по едно полувреме за двете екипи. Во составот предводен од тренерот Ѓорѓи Кочов не беа ниту полесно повредените Марко Симоновски и Иве Иванов.

Првото полувреме мина во доминација на националниот тим (55-34), додека во вторите две четвртини подмладениот сино-бел состав одигра одлично што резултираше со позитива од девет поени (48-39).

Андрија Бојиќ беше убедливо најдобар во нашиот тим со 23 поени и девет скока, Лестер Медфорд реализира 23, а Џејмс Вудард 12 поени. Ранко Мамузиќ и Маслинко постигнаа по девет поени, Лука Стојановски запиша четири, Андреј Настовски, три, Леонид Тодоровски два, а Михајло Митев еден поени.

МЗТ Скопје Аеродром следниот пријателски дуел, во кој повторно ќе биде без репрезентативците, ќе го одигра в среда исто така на домашен терен против тимот на Гостивар. И оваа средба ќе биде од затворен карактер.

4 Uni Banka.jpg4 sport m logo web.jpg6. adidas.jpgPekabesko 1.jpgaerodrom-novo-logo.jpgcedevita logo web.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и осум титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: АСНОМ БР.1, 1000 Скопје

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page