Легендарниот Јанко Луковски ќе биде стручен советник на тренерот Кочов!

2018 21 Авг

Стручниот штаб на МЗТ Скопје Аеродром за време на подготовките за новата сезона ќе биде исклучително засилен, откако улогата на стручен советник на тренерот Ѓорѓи Кочов му е доделена на легендарниот македонски стратег, а претходно и фантастичен кошаркар – Јанко Луковски.

Станува збор за поранешен играч на нашиот клуб, кој настапуваше во сино-белиот дрес во периодот помеѓу 1976 и 1978 година, а седеше и на клупата на тимот од Аеродром и тоа во сезоната 1997/98. Зад себе има 20-годишен тренерски стаж во поголем број македонски, српски и црногорски тимови, а во последниве две децении е ориентиран на работа со млади таленти и под негова палка функционира една од најдобрите кошаркарски школи во Србија.

Луковски беше присутен на првиот тренинг на МЗТ Скопје во пресрет на новата сезона, а ќе му помага на Кочов и за време на базичните подготовки во Маврово. Но, негова главна задача во нашиот клуб нема да биде асистенцијата во првата екипа, иако и тој сегмент нема да биде запоставен, туку едукацијата на тренерите кои работат во нашата младинска школа. Неговото огромно искуство и големо кошаркарско знаење и тоа како ќе им бидат од помош на младите стратези кои работат со генерациите од 12 до 20 години под капата на МЗТ Скопје Аеродром. Луковски ќе држи мини-семинари само за нашите тренери, а ќе постојано ќе им биде на располагање за сѐ што им е потребно во работата со кошаркарите кои се иднината на нашиот клуб.

Ангажманот на легедарниот Луковски е само продолжување на замислата за зголемување на квалитетот со работа со младите категории, што, пак, на подолги патеки треба да донесе голем бенефит за нашиот клуб, а првиот тим наместо да ангажира играчи од други клубови местата во ростерот да ги пополнува од сопствениот расадник за таленти.

4 Uni Banka.jpg4 sport m logo web.jpg6. adidas.jpgPekabesko 1.jpgadora logo za sajt.jpgaerodrom-novo-logo.jpgcedevita logo web.jpgcevahir logo za sajt.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page