Време е за нов спектакл во „Јане Сандански“ на кој СИТЕ се - добредојдени!

2018 21 Мај

Управата на МЗТ Скопје Аеродром би сакала да ја извести спортска јавност кај нас дека останува доследна на своите заложби за промоција на вечното дерби како вистински празник на кошарката и спектакл кој долго ќе се памети, поради што реши да не го следи грдиот пример на противникот и дозволи присуство и на гостински навивачи на вториот финален меч против Работнички, кој задутре (среда) ќе се одигра во салата „Јане Сандански“.

За разлика од тимот од Центар, не сакаме и нема да дозволиме да се уништи финалето кое сите фанови се нетрпение го очекуваа како кулминација на деветмесечната исцрпувачка сезона. Затоа, ги каниме сите навивачи, без разлика на клупската припадност, како и сите спортски вљубеници и кошаркарски фанатици да дојдат на трибините и да го бодрат тимот кој им е во срцето или, пак, само да уживаат во мајсториите на финалистите. Не сме малодушни како противникот и не сакаме победникот да биде решен со сплеткарење туку со витешка борба на теренот, па нека победи подобриот. А, игрите надвор од теренот му ги оставаме на Работнички.

Одлуката да го направиме вториот меч од финалната серија достапен за сите, па дури и за навивачите на противникот, ја донесовме во консултација и разговори со навивачката група „Фемили“. Таа е нераскинлив дел од МЗТ Скопје и беше директно засегната од неџентлменскиот потег на центарци да ѝ забранат присуство во „Градски парк“ на вчерашниот прв дуел, поради што не сакавме да ја изоставиме од процесот на решавање. Се покажа дека размислувањата ни се идентични како што ни е иста бојата на крвта – сино-бела. И нејзините членови се на мислење дека без разлика на ниските игри на другата страна, вечното дерби е спектакл кој треба да го проследат сите што сакаат и тоа без етикетирање за кој клуб навиваат.

На неодамнешното вечно дерби од финишот од Суперлигата, покажавме дека може да се организира спектакл со присуство на две спротивставени навивачки групи, кој потоа од јавноста беше оценет со чиста десетка. Убедени сме дека и задутре (среда) ќе биде идентично и дека сите што ќе дојдат во Аеродром, па дури и тие што ќе бидат со обележја на Работнички, ќе се чувствуваат безбедно, ќе уживаат во случувањата на паркетот и потоа задоволни ќе си заминат дома.

Тоа всушност е и нашата најголема борба, финалниот дуел на најголемите ривали да биде спектакл кој ќе се памети и за кој со денови ќе се говори без разлика на тоа што ќе го пишува на семафорот по истекот на 40-тата минута.

И за крај, ја информираме јавноста дека билетите за вечното дерби се веќе во продажба и тоа по цена од 100 денари, а можат да се купат на билетарницата пред СЦ „Јане Сандански“ како и онлајн преку интернет-страницата http://ticketplus.mk/.

4 Uni Banka.jpg4 sport m logo web.jpg6. adidas.jpgPekabesko 1.jpgaerodrom-novo-logo.jpgcedevita logo web.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и осум титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: АСНОМ БР.1, 1000 Скопје

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page