Колективно и со добра одбрана до убедлив триумф и до 2-1 во серијата со Блокотехна!

2018 13 Мај

Добрата игра во одбраната, поголемиот број асистенции (21-14) и помалиот број загубени топки (11-17) се главните причини поради кои кошаркарите на МЗТ Скопје Аеродром вечерва, на домашен терен, го совладаа тимот на Блокотехна (89-72) за водство од 2-1 во полуфиналната плејоф-серија која се игра до три победи.

Неизвесноста траеше само во првите неколку минути, по што сино-белите со серија 16-3 дојдоа до предност од 12 поени (23-11), која потоа умешно ја одржуваа до крајот на средбата. Противникот посериозно се закани само во третиот период, кога во неколку наврати намали на минус пет, а имаше и можност да дојде и до негатива од три поени. Но, избраниците на тренерот Ѓорѓи Кочов умешно го одбија нападот, а во последната четвртина, со 13-3 на стартот дојдоа до најголемата предност која им овозможи мирен финиш.

Андрија Бојиќ со 22 поени и осум скока беше најдобар кај МЗТ, Дарко Соколов постигна 15, Дамјан Стојановски реализира 13 поени со четири украдени топки, а Лалиќ застана на 12 поени.

Следниот меч од серијата се игра веќе задутре (вторник) и тоа во салата во Негорци, каде што аеродромци ќе ја имаат првата меч-топка за пласман во 13-тото финале од плејофот во клупската историја.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page