Во Гевгелија одиме по „брејк“ вреден речиси сигурно финале од плејофот!

2018 10 Мај

Кошаркарите на МЗТ Скопје Аеродром утре вечер (18.30 часот) ќе ѝ гостуваат на Блокотехна во вториот меч од плејоф-полуфиналето, во обид да направат „брејк“ кој би значел и речиси сигурен пласман во големото финале.

Сино-белите водат со 1-0 во серијата што се игра до три победи и со евентуален триумф во Негорци ќе дојде до предност која противникот ептен тешко потоа ќе може да ја достигне со оглед што третиот дуел пак се игра во „Јане Сандански“, в недела. Ова дефинитивно носи дополнителен мотив кај избраниците на тренерот Ѓорѓи Кочов, кои веќе покажаа дека знаат како да победуваат на гости кај Блокотехна со оглед на триумфот на последниот меѓусебен меч во Гевгелија во кој победивме со 75-66.

Здравствениот билтен во екипата е извонреден, сите 12 кошаркари му стојат на располагање на стручниот штаб, подготвени да дадат сѐ од себе за да се обезбеди триумф кој можеби ќе значи и клучен исчекор кон 13. финале од плејофот. Формата е во нагорна линија, во серија сме од пет победи по ред, моментум кој и тоа како може да пресуди во овој дуел во салата во близина на Негорски бањи.

Судии на натпреварот ќе бидат Александар Милојевиќ, Александар Павлов и Зоран Митровски, а делегат Антонио Теофиловски. Предвиден е телевизиски пренос на Македонската телевизија (МТВ).

4 Uni Banka.jpg4 sport m logo web.jpg6. adidas.jpgPekabesko 1.jpgadora logo za sajt.jpgaerodrom-novo-logo.jpgcedevita logo web.jpgcevahir logo za sajt.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page