МЗТ Скопје Аеродром лесно ја среди Блокотехна за прва победа за новиот тренер Кочов

2018 04 Апр

Кошаркарите на МЗТ Скопје Аеродром победнички се враќаат од вечерашното гостување на југот на Македонија, откако со одлично одиграно второ полувреме ја совладаа екипата на Блокотехна (75-66) во меч од 2. коло од Суперлигата.

Ова воедно е и деби победа на нашиот нов тренер, Ѓорѓи Кочов и тоа остварена без помошта на Алексеј Нешовиќ и Андреј Маслинко, кои поради повреда воопшто не допатуваа во Гевгелија како и без капитенот Дамјан Стојановски, кој се повреди на самиот почеток од второто полувреме. Сино-белите клучната разлика ја обезбедија во финишот од третиот период, кога со серија 13-0 дојдоа до двоцифрена позитива (64-52), која умешно ја задржаа до крајот на средбата.

Новакот Андрија Бојиќ одигра одлично во првиот меч за нашиот тим, завршувајќи ја средбата со 11 поени, девет скока и две блокади. Најефикасен беше Јуре Лалиќ со 12 поени додека Џордон Крафорд и Дарко Соколов реализираа по 11 поени заедно со девет асистенции односно скокови.

Избраниците на Кочов следниот меч ќе го одиграат следната среда и тоа на домашен терен против Гостивар, како генерална проба за вечното дерби против Работнички, кое на 14 април ќе го одиграме во „Градски парк“.

4 Uni Banka.jpg4 sport m logo web.jpg6. adidas.jpgPekabesko 1.jpgadora logo za sajt.jpgaerodrom-novo-logo.jpgcedevita logo web.jpgcevahir logo za sajt.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page