Синовец се врати во МЗТ Скопје Аеродром, а си замина Мајсторовиќ!

2018 19 Мар

Српскиот интернационалец Стефан Синовец од денеска е нов член на МЗТ Скопје Аеродром, што претставува негов четврто доаѓање во нашиот клуб, откако претходно настапуваше во сезоните 2013/14, 2014/15 и 2016/17. Тој најавува дека ќе стори сѐ да дојде до четвртата шампионска титула со нашиот клуб, откако славеше во 2014, 2015 и 2017 година.

Неговиот договор е до крајот на сезоната, а тој доаѓа од таборот на Мега Бекамс, каде што во АБА-лигата имаше просек од 9,4 поени, 4,5 скока и 3,1 асистенции. Синовец се очекува да пристигне во Скопје утре рано наутро за да ги заврши сите формалности околу договорот и да може да дебитира на задутрешната пресметка со Кожув во салата „Јане Сандански“.

Екипата, пак, ја напушта неговиот сонародник Ѓорѓе Мајсторовиќ и тоа со спогодбен раскин на договорот. Тој дојде на почетокот на ноември и одигра 14 средби во регионалното натпревараување со просек од 4,8 поени и 2,7 скока.

(За)вчерашниот дуел против Работнички беше последен за него во составот на МЗТ Скопје Аеродром. Управата му се заблагодарува на тоа што го даде за клубот и му посакува сѐ најдобро во кариерата.

УниБанкаОпштина Аеродром

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page