„Соколите“ се последната пречка за МЗТ Скопје пред првиот пехар во новата сезона

2016 23 Сеп

Кошаркарите на МЗТ Скопје Аеродром, вечерва, во салата „Јане Сандански“, ќе се обидат да дојдат до првиот пехар во новата сезона и тоа во финалето од Суперкупот против Карпош Соколи (20.30 часот).

Ова ќе биде прво официјално АБА-дерби во македонската кошарка по неодамнешниот прием на „соколите“ во ова натпреварување и тоа на само една недела пред стартот на регионалното натпреварување, кое за нашиот клуб почнува следниот петок против Црвена звезда во Белград.

„Металците“ во вечерашниот дуел влегуваат осоколени по одличната игра и убедливата победа во синоќешното полуфинале против Фени индустри (83-50), што им ја носи фаворитската улога во мечот во кој треба да се одбрани пехарот освоен лани на завршницата во Охрид. Стручниот штаб пред средбата се соочува и со проблем поради повредата на Ѓорѓе Дреновац по нецели седум минути од вчерашниот дуел, поради што засега е неизвесен неговиот настап во големото финале. Истото се однесува и за репрезентативецот Марко Симоновски, кој сѐ уште се рехабилитира по повредата на 'рбетот која подолг период го одвои од теренот.

Судиската правда на финалниот дуел ќе ја делат Александар Милојевиќ, Александар Павлов и Алија Феревски додека Владимир Макревски ќе биде во улога на делегат. Средбата почнува во 20.30 часот со пренос на МТВ, а билетот за во салата „Јане Сандански“ чини сто денари. Организатор на Суперкупот е Македонската кошаркарска федерација (МКФ).

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page