Кошаркарите на МЗТ Скопје со победата ја завршуват 2015 година, откако вечерва го совладаа составот на Работнички со резултат 75-86. Натпреварот помина во израмнета игра на двете страни во првиот дел, по кој што МЗТ Скопје имаше минимална предност од три поени разлика. Со стартот на второто полувреме, избраниците на тренерот Александар Јончевски заиграа многу поангажирано на двата краја од теренот создавајќи двоцифрена предност која рутинирано ја сочуваа до самиот финиш на средбата.
Ѓорѓе Дреновац беше најефикасен играч кај МЗТ Скопје со 27 поени. Дамјан Стојановски беше стрелец на 18 поени, додека Урош Луковиќ постигна 10 поени, надополнето со 12 скока.
Кај Работнички, Ѓорѓи Чековски беше најпрецизен играч со 23 поени.
Со вечерашниот триумф, тимот на МЗТ Скопје останува на првата позиција на табелата со скор од десет победи и само еден пораз. Македонскиот шампион веќе во недела (03.01.2016) го игра својот следен натпревар и тоа на гостувањето против Игокеа во рамките на 18.то коло на АБА лигата.
Триумф над Работнички 75-86 во вечното дерби
-
големина на фонтот
намалување на величината на фонтот
зголемување на величината на фонтот
- Печати
Објавено во
Мк прва лига
За нас
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.
Локација
Адреса: Булевар Јане Сандански бр.1, 1000, Скопје. Република Македонија
Контакт
тел/фах: +389 2 2444-567
email: Оваа е-адреса е заштитена од спамботови. Треба да ви е овозможено JavaScript за да ја видите.