МЗТ Скопје повторно подобар од Куманово 102-107

2015 31 Мај

Тимот на МЗТ Скопје Аеродром поведе со 2-0 во финалната серија против Куманово, откако вечерва славеше на гости со резултат 102-107 по продолжението.
Во крајно неизвесен меч, домаќините беа тие кои имаа предност во најголемиот дел од средбата, меѓутоа кошаркарите на МЗТ Скопје беа најдобри кога највеќе требаше. Последната четвртина МЗТ Скопје ја доби со 23-12 и успеа во целост да ја анулира позитивата на Куманово. Јунак во последните моменти од регуларниот дел беше Марко Симоновски, кој по промашеното слободно фрлање на Чапин успеа да постигне погодок со истекот на времето од 40.те минути за израмнување на резултатот 88-88.

И покрај тоа што поради проблеми со лични грешки МЗТ Скопје во продолжението настапи без Предраг Самарџиски и Стефан Синовец, а на нив многу брзо им се приклучи и Данило Мијатовиќ, актуелниот првак одигра одлично во дополнителните 5 минути. МЗТ Скопје предводен до Марко Симоновски, Сеад Шеховиќ и Александар Чапин го полнеше кошот на домаќинот, кои не можеа да одговорат на 19-те постигнати поени на металците.

Сеад Шеховиќ одигра феноменален натпревар на кој беше близу до трипл дабл  Постигна 23 поени, 12 скока и 7 асистенции. Марко Симоновски беше стрелец на 21 поен. Данило Мијатовиќ имаше 19 поени и 8 скока, додека Александар Чапин постигна 16 поени а имаше и 9 скока.

Во тимот на Куманово, Урош Луковиќ беше најдобар поединец со 20 поени и 10 скока.

Третиот натпревар од финалната серија помеѓу МЗТ Скопје Аеродром и Куманово ќе се одигра во СЦ Јане Сандански во Скопје, во вторник (02.06.2015) со почеток од 19.00ч. 

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page