Капитенот со кош во последната секунда ни донесе голема победа над Работнички

2020 01 Мар

Кошаркарите на МЗТ Скопје Аеродром дојдоа до значаен триумф во вечното дерби со Работнички (92-90), откако Дамјан Стојановски на 1,1 секунди до крајот го постигна победничкиот кош за осигурување на првото место на табелата пред стартот на Суперлигата.

На две кола до крајот на прволигашкиот дел, нашиот тим има учинок 13-3, односно две победи повеќе пред директните конкуренти Гостивар, Кожув, Еуро Никел и Работнички кои се изедначени со скор 11-5. Момците предводени од тренерот Ѓорѓи Кочов одиграа јуначки во последните пет минути, во кои прво со серија 9-2 прават резултатски пресврт и поведуваат со 90-88, а потоа и умешно го реализираа последниот напад преку капитенот. Точка на сѐ стави одличната одбрана, поради која противникот не успеа ниту да проба да ја искористи последната секунда за некакво чудо, што секако донесе голема радост на клупата.

Херојот Стојановски беше централна фигура во нашиот тим со 23 поени и по пет скока и асистенции, Ерон Харис постигна 12 поени, додека Кристијан Николов, Андреј Магдевски и Феми Олуџоби реализираа по 11 поени. За одбележување е и играта на Олуџоби, особено во решавачките моменти кога со три офанзивни скока и неколку прецизно изведени слободни фрлања беше еден од творците на камбекот вреден два бода.

Следен меч за нашата екипа е гостувањето кај Нови Пазар во меч од претпоследното коло од регуларниот дел од АБА2-лигата, закажано за в четврток.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page