Апсолутна доминација на МЗТ Скопје во изборот на најдобрите за 2019 година!

2019 26 Дек

Како ретко кога досега, МЗТ Скопје Аеродром доминираше на синоќешниот избор на најдобрите во макбаскетот во 2019 година од страна на Кошаркарската федерација на Македонија (КФМ), со оглед што во нашиот клуб завршија дури четири од вкупно шестте категории во машката клупска кошарка.

Во нашата трофејна сала во спортскиот центар „Јане Сандански“ во иднина ќе стојат статуетките кои ги добивме за најдобра екипа во сениорска и во младинска конкуренција, како и за најдобрите тренери во сениорска и младинска конкуренција. Покрај тимскиот успех, ова беше вечер на заслужена промоција на нашите стратези, Ѓорѓи Кочов и Горан Крстевски, кои ни донесоа шампионски титули со првиот и вториот тим, како и со јуниорската селекција на завршниот фајналфор-турнир во М18-лигата на КФМ.

Наградите во име на тимскиот успех ги примија директорот на МЗТ Скопје Аеродром, Тони Грнчаров, односно првиот човек на МЗТ Скопје УНИ Банка заедно со целокупната младинска школа, Огнен Стојановски, заедно со тренерските лауреати, Кочов и Крстевски.

„Ќе излажам ако кажам дека не ги очекувавме наградите. Зад нас е година во која направивме многу, како со првиот тим така и со младинската школа, промовирајќи ги талентите преку втор наш тим кој се натпреварува во Првата лига. Такво нешто досега никој друг не направил. Згора на тоа сме и единствена екипа која ја брани честа на македонската кошарка на меѓународна сцена. Сето ова воопшто не е малку, а за тоа да се направи мораше да се вложи голем труд, кој на крај ни се исплатеше“, изјави директорот Грнчаров.

Во слична насока беа и поздравните говори на Стојановски, Кочов и на Крстевски, кои исто така го потенцираа големиот напор кој секојдневно беше вложуван како од играчите, така и од сите луѓе во управата и во стручните штабови.

4 Uni Banka.jpgNeuromedika za sajt.jpgaerodrom-novo-logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page