К.К. МЗТ Скопје Аеродром

Сино-бел танц: Со плус 25 го збришавме Работнички среде „Градски парк“

2019 24 Nov

Ептен (пре)лесно, кошаркарите на МЗТ Скопје го совладаа најлутиот ривал Работнички (93-68), во вечервашното прво вечно дерби сезонава, одиграно во склоп на 7. коло од Првата лига.

Нашата подолга клупа ни овозможи да играме максимално агресивно во одбраната, што, пак, ни донесе двоцифрен број украдени топки (11) и многу лесни поени во транзиција. Тренерот Ѓорѓи Кочов на располагање имаше далеку поголем број расположени кошаркари, што максимално го користеше, а згора на тоа одигравме фантастично во дефанзивата на најдобрите двајца во составот на центарци, Двејн Бенџамин и Данило Мијатовиќ, по што крајниот епилог и не делува изненадувачки.

Нашиот тим уште во првите неколку минути покажа дека е дојден по бодовите, што се види од водството 12-4. По релативно изедначената прва четвртина, вториот период го почнавме фуриозно, со десет поени во низа, со што дојдовме до првата поопиплива разлика, која не ја испуштивме до крајот. Второто полувреме беше само формалност, која, „металците“ сериозно ја сфатија, па дојдоа и до максимални плус 30 (83-53), по што следеше разбирливо опуштање што Работнички го искористи делумно да ја намали негативата.

Џабари Хиндс одигра фантастичен меч и беше централна фигура со 22 поени и по шест скока и асистенции, а веднаш зад него беше Ерон Харис со 18 поени и шест скока. Двоцифрен ефект имаше и Андреј Маслинко со 13 поени и седум скока, додека Дамјан Стојановски средбата ја заврши со 13 поени, три скока и дури четири украдени топки, додека идентичен поентерски ефект имаше и Кристијан Николов.

Нашите кошаркари немаат премногу време за славје, бидејќи веќе в четврток ги очекува важно гостување од АБА2-лигата, против српски Динамик во Белград.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: This email address is being protected from spambots. You need JavaScript enabled to view it.

 

Следете не и на

Top of Page