Лесно го преслушавме Куманово за трет триумф во домашната Прва лига

2019 02 Ное

Кошаркарите на МЗТ Скопје Аеродром брзо се опоравија од мини-серијата од два порази (по еден во домашното првенство и АБА2-лигата), па вечерва, со доминантна игра во текот на сите 40 минути, во малата сала во СЦ „Јане Сандански“ го совладаа тимот на Куманово (75-58).

Нашите момци цело време го имаа водството и контролата врз резултатот, иако настапивме без Џабари Хиндс, кој доби одмор од тренерот Ѓорѓи Кочов. Максимално го искористивме големиот број загубени топки на кумановци (23), а имавме и доминација во скок-играта со 12 повеќе топки фатени под обрачите (41-29). Ова ни беше трета победа во четвртиот меч на домашна сцена.

МЗТ Скопје Аеродром имаше петмина ептен расположени играчи во нападот со двоцифрен поентерески ефект, меѓу кои предничеше капитенот Дамјан Стојановски со 17 поени и шест скока. Зад него, пак, беа Кристијан Николов со 15 поени и седум асистенции, Бојан Крстевски со 14 поени, Андреј Магдевски со 12 поени, седум скока и девет асистенции и Марин Морнар со 11 поени и седум скока. Андреј Маслинко постигна шест поени, додека радува враќањето на Марко Симоновски во составот, по неколкуте пропуштени средби поради повреда на листот.

Сино-белите веднаш ги насочуваат силите кон следната пресметка во АБА2-лигата, која на програмата е веќе во вторник, на домашен терен, против Сплит.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page