Испечатете ја страната

Финалето го почнуваме в сабота против Работнички на домашен терен!

2019 06 Јун

Кошаркарите на МЗТ Скопје Аеродром задутре ќе го одиграат првиот финален натпревар од плејофот против големиот ривал Работнички (17.30 часот), еден ден подоцна од предвидениот терен и тоа на барање на полицијата.

На денешниот состанок на претставниците на финалистите и луѓето од Министерството за внатрешни работи беа утврдени и термините за останатите средби од серијата што се игра до три победи, според кои новиот првак најдоцна ќе се дознае десет дена по одигрувањето на првиот дуел.

И вториот натпревар е поместен еден ден и ќе се одигра во вторник (11 јуни) во салата „Борис Трајковски“. Потоа следуваат пресметки на секои два дена односно третиот меч е закажан за 13 јуни (четврток) во Аеродром, а ако има потреба четвртата средба ќе биде на 15 јуни (сабота) повторно во „Борис Трајковски“. Евентуалната „мајсторка“ е закажана за 17 јуни (понеделник) во салата на подобропласираниот во регуларниот дел од сезоната, а тоа е МЗТ Скопје.