К.К. МЗТ Скопје Аеродром

Време е за дерби: Утре со сите сили ќе го нападнеме „Градски парк“!

2019 08 Mar

Кошаркарите на МЗТ Скопје Аеродром немаат време за одмор, со оглед што само два дена по исцрпувачкиот натпревар со Сутјеска во АБА2 ќе го одиграат дуелот против најголемиот ривал на домашна сцена, Работнички и тоа утре (17.30 часот) во „Градски парк“.

Без разлика на се, сино-белите се решени да го дадат својот максимум за да му се реваншираат на вечниот противник за поразот во првиот дел од сезоната. Противникот поодморен влегува во натпреварот, но избраниците на тренерот Ѓорѓи Кочов веруваат во сопствениот квалитет и најавуваат борба за секоја топка и за секоја педа од теренот.

Аеродромци нема да бидат сами во „Градски парк“, со оглед што се очекува присуство од околу 200 навивачи на нашиот тим, чија поддршка од трибините и тоа како ќе ни биде потребна. Се најавува мобилизација меѓу сите на кои МЗТ Скопје им е во срцето што значи дека ќе се бара билет повеќе за делот од трибините кои ќе биде наменет за нашите фанови.

Тие што нема да може да дојдат до драгоценото парче хартија, средбата ќе може да ја проследат низ преносот на првиот канал на Македонската телевизија (МТВ).

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: This email address is being protected from spambots. You need JavaScript enabled to view it.

 

Следете не и на

Top of Page