Лесно го освоивме Гостивар за осма победа по ред во Првата лига!

2019 10 Фев

Полната сала и релативно пеколната атмосфера не ги исплаши кошаркарите на МЗТ Скопје Аеродром, кои со добра одбрана и концентриран напад без поголеми проблеми дојдоа до победа на гостувањето кај Гостивар (74-61).

Сино-белите со стартните шест поени во низа покажаа дека немаат намера да дозволат изненадување, а нешто подоцна со серија 9-0 се одвои на плус осум (20-12) пред крајот на првата четвртина. Тоа беше најава на триумфот на гостинот од Скопје, кој кон средината на вториот период првпат дојде и до двоцифрена позитива (29-18), која потоа умешно ја одржа до самиот крај.

Позитивата на аеродромци ја достигна и границата од 20 поени во третиот период од играта, што се покажа како доволна за сигурен триумф и осми триумф во низа во домашниот шампионат.

Марко Симоновски одигра одличен натпревар и за 17 минути постигна ист број поени (пет тројки со две промашувања), а идентичен поентерски ефект имаше и Иве Иванов. Љубомир Младеновски го одигра сигурно најдобриот меч по враќањето во „Јане Сандански“ со 15 поени и девет скока додека ист број поени реализира и Џејмс Вудард.

Ова беше последен дуел за нашиот тим пред три неделната пауза во која прво ќе се одигра завршниот турнир од Купот на Македонија, следниот викенд во Гевгелија, а потоа настап ќе има и македонската репрезентација во претквалификациите за ЕП 2021.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page