Кочов: Време е да покажеме дека добро играме и против домашни екипи!

2019 20 Јан

Кошаркарите на МЗТ Скопје Аеродром вечерва ќе ја имаат првата домашна обврска во 2019 година и тоа на домашен терен против Блокотехна (19 часот), тимот кој им го нанесе едниот од двата порази во првиот дел од Првата лига.

Сино-белите во овој дуел гледаат одлична шанса за реванш за неуспехот во Гевгелија, но и за продолжување на низата добри игри во АБА2-лигата, каде што нашиот тим е во самиот врв од табелата. Американецот Лестер Медфорд сѐ уште е надвор од стројот, Љубомир Младеновски и понатаму се рехабилитира по повредата на раката, додека деби на македонска сцена ќе има поранешниот македонски репрезентативец, Предраг Самарџиски.

„Веќе ги заборавивме триумфите во последно време во АБА2-лигата, без разлика колку тие беа убедливи и веднаш почнавме да се фокусираме на пресметката со Блокотехна во домашниот шампионат. Редно време е да покажеме дека овој МЗТ може да игра добро и во македонската лига, а не само во регионалното натпреварување“, изјави Кочов.

Аеродромци се во низа од две победи во АБА2, а имаат осум триумфи во последните 11 меча во регионалната конкуренција. Ова ќе биде вкупно 11. меч досега против Блокотехна, во кој МЗТ Скопје ќе ја брка седмата победа во меѓусебните пресметки.

Мечот се игра во големата сала во „Јане Сандански“, а влезот е бесплатен. Предвиден е телевизиски пренос на собранискиот канал на МТВ.

4 Uni Banka.jpg4 sport m logo web.jpg6. adidas.jpgPekabesko 1.jpgadora logo za sajt.jpgaerodrom-novo-logo.jpgcedevita logo web.jpgcevahir logo za sajt.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page