Андрија Бојиќ уште една сезона во дресот на МЗТ Скопје Аеродром!

2018 06 Јул

Кошаркарот кој преку ноќ ги освои нашите навивачи, Србинот Андрија Бојиќ (24 год, 207 см), ќе остане уште најмалку една сезона во таборот на МЗТ Скопје Аеродром, откако беше постигнат договор за продолжување на соработката која ќе биде официјализирана во текот на следната недела.

Станува за силно крило, кој по потреба може да одигра и на центарската позиција и кој одлично си ја заврши работата по доаѓањето во Аеродром на крајот од месец март. Со својот однос, борбеност, желба и големо срце веднаш стана миленик на сите на кои при срце им е сино-белата боја, поради што управата стори сѐ за да го задржи во „Јане Сандански“.

Бојиќ симпатиите ги освои со само 15 одиграни средби во домашното првенство, на кои имаше просек од 12,5 поени и 6,9 скока за нешто повеќе од 20 минути поминати на теренот. Тој во нашиот тим дојде од романска Политехника Јаши, кариерата ја почна во Мега Визура. а досега има настапувани и за ОКК Београд, Борац Чачак, Младост Земун како и унгарски Јазберени и полскиот тим Полфарма.

Ова е второ обновување договор денеска, откако претходно тоа го сторивме и со капитенот Дамјан Стојановски. Засега сигурни во составот за следната сезона, кој ќе биде предводен од Ѓорѓи Кочов, се уште и Дарко Соколов, Андреј Маслинко, Љубомир Младеновски и Американецот Лестер Медфорд.

4 Uni Banka.jpg4 sport m logo web.jpg6. adidas.jpgPekabesko 1.jpgadora logo za sajt.jpgaerodrom-novo-logo.jpgcedevita logo web.jpgcevahir logo za sajt.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page