Викендов во Кавадарци ќе атакуваме на деветиот трофеј во Купот на Македонија

2018 16 Фев

Кошаркарите на МЗТ Скопје Аеродром со денешната четвртфинална пресметка со Фени индустри (18 часот) го почнуваат настапот на завршниот турнир од Купот на Македонија, кој до недела ќе се одржува во Кавадарци.

Желба на момците во сино-бела опрема е да го вратат трофејот во „Јане Сандански“, откако лани бевме елиминирани во полуфиналниот дуел од вечерашниот противник. Тоа би бил девети триумф на нашиот клуб во куп-натпреварувањето со што би се изедначиле со Работнички на вечната листа победници.

Избраниците на тренерот Жељко Лукајиќ влегуваат како фаворити во вечерашната пресметка со кавадарчани, но и покрај тоа најавуваат максимално концентрирана игра со цел да не дојде до некое несакано изненадување. Во тимот ќе ги нема повредените Марко Симоновски и Ѓорѓе Мајсторовиќ, додека сите останати се подготвени да дадат сѐ од себе за да дојдеме не само до триумф на вечерашниот меч туку и до победничкиот пехар на крајот од турнирот.

„Во Купот секогаш има изненадувања и нема простор и време за поправен. Мислам дека добро се подготвивме за предизвикот кој е пред нас. Прв ривал ни е Фени Индустри, сакаме да победиме, а потоа од меч во меч до самиот крај“, вели Дамјан Стојановски.

Во утрешното евентуално полуфинале, наш противник ќе биде подобриот од дуелот помеѓу Блокотехна и АВ Охрид. Финалето се игра в недела.

МЗТ Скопје досега осум пати беше победник во Купот на Македонија и тоа во 1996, 1997, 1999, 2000, 2012, 2013, 2014 и 2016 година.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page