Лукајиќ: Купот е специфично натпреварување, не смее никого да потцениме!

2018 12 Фев

Кошаркарите на МЗТ Скопје Аеродром следниот викенд ќе настапат на завршниот турнир од Купот на Македонија, каде што во четвртфиналето ќе ги одмерат силите со Фени индустри, кој им е должник за поразот во полуфиналната куп-пресметка минатата сезона.

Сино-белите во овој меч влегуваат како голем фаворит поради проблемите во кавадаречкиот табор, но и покрај тоа тренерот Жељко Лукајиќ бара максимална концентрација и почит за секој противник.

„Националниот куп секогаш е празник на кошарката, но и специфично натпреварување во кое сѐ е можно. Сите тимови досега покажаа одличен квалитет, а имаат и искусни поединци. Еден натпревар одлучува сѐ, што отвора можност за изненадување. Поради тоа фаворитите треба да бидат максимално сконцентрирани, што важи и за нас. Имаме големи амбиции бидејќи сакаме преку домашните натпреварувања да го поправиме впечатокот од АБА. Исклучително го цениме Фени индустри, како и останатите екипи како Блокотехна, Работнички, но и сите други кои ќе настапат во Кавадарци“, изјави Лукајиќ на денешната прес-конференција.

Слични се и размислувањата на капитенот, Дамјан Стојановски.

„Во Купот секогаш има можност за изненадувања и нема простор и време за поправен. Треба добро да се подготвиме. Прв ривал ќе е Фени Индустри, сакаме да победиме, а потоа од меч во меч ќе пробаме да отидеме до самиот крај“, истакна Стојановски.

Средбата против Фени индустри ќе ја одиграме в петок од 18 часот, а во евентуалното полуфинале, в сабота, ќе ги одмериме силите со подобриот од пресметката помеѓу Блокотехна и АВ Охрид (20.30 часот).

4 Uni Banka.jpg4 sport m logo web.jpg6. adidas.jpgPekabesko 1.jpgadora logo za sajt.jpgaerodrom-novo-logo.jpgcedevita logo web.jpgcevahir logo za sajt.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page