Пораз од Фени за елиминација од Купот на Македонија

2017 20 Фев

Кошаркарите на МЗТ Скопје Аеродром не успеаја да се пласираат во 13-тото финале во Купот на Македонија, откако во драматичен меч загубија во полуфиналната пресметка со домаќинот на завршниот турнир, Фени индустри (79-80).

Избраниците на тренерот Анте Назор долго ќе размислуваат за пропуштената шанса со оглед на тоа што имаа водство со 79-75 на само 26 секунди до крајот. Но, потоа следуваше брза тројка на противникот преку Матија Чешковиќ, а судиите истовремено досудија прекршок од Јуре Лалиќ, поради што кавадарчани останаа во напад. Ваквата судиска одлука како да ги збуни „металците“, кои веднаш потоа по само една секунда примија лесен кош со што Фени индустри за само четири секунди постигна пет поени и направи целосен резултатски пресврт.

МЗТ Скопје Аеродром, сепак, имаше напад за триумф, но Ѓорѓе Дреновац реши да шутира тројка од голема далечина наместо топката да му ја спушти на Џош Скот кој беше чуван од далеку понизок противник. Топката заврши во обрачот, Скот за малку не успеа да ја врати во кошот што донесе елиминација за нашиот тим.

Лалиќ средбата ја заврши со 19 поени и седум скока, Дреновац реализира 16 поени и осум скока, а Скот имаше 14 поени и осум скока.

1 Sinalco Logo.jpg3kozuvcanka logo.jpg4 sport m logo web.jpg5.Adora logo.jpg6. adidas.jpgBauer logo.jpgJsp_turs1.jpgTineks.jpgaerodrom-novo-logo.jpgcedevita logo web.jpggoldenart logo.jpgsistina logo web.jpgtelekom logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и осум титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: АСНОМ БР.1, 1000 Скопје

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page