Поразени од Работнички во драматичен меч со две продолженија

2019 14 Апр

Кошаркарите на МЗТ Скопје Аеродром го завршија настапот на завршниот турнир од Купот на Македонија во Гевгелија, откако во полуфиналната пресметка не успеаја да го совладаат Работнички (89-93).

Тоа беше еден од најдраматичните дербија во досегашната историја со две продолженија и со многу пресврти и шанси за триумф на двете страни. Сино-белите преку Андрија Бојиќ по одлично изведена акција го изедначија резултатот на три секунди до крајот на регуларниот дел, а во дополнителните десет минути имаа свои шанса за конечен триумф. Но, за жал тие не беа искористени, меѓу кои беше и промашената тројка на Марко Симоновски за трето продолжение.

Андрија Бојиќ со 21 поен и седум скока беше најпрецизен во нашиот тим, додека Иве Иванов и Џејмс Вудард постигнаа по 14 поени.

Нашите кошаркари немаат премногу време да жалат за пропуштената шанса за ново куп-финале, бидејќи веќе в среда ги очекува исклучително важно гостување кај Задар во првиот дуел од баражот за пласман во АБА.

4 Uni Banka.jpg4 sport m logo web.jpg6. adidas.jpgPekabesko 1.jpgadora logo za sajt.jpgaerodrom-novo-logo.jpgcedevita logo web.jpgcevahir logo za sajt.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page