К.К. МЗТ Скопје Аеродром

Без тројца стартери не успеавме да му се спротивставиме на Нижни Новгород

2016 07 Dec

Кошаркарите на МЗТ Скопје Аеродром не успеаја да го совладаат Нижни Новгород (82-97) во вечерашниот меч од 9. коло од Еврокупот, првенствено поради фантастичниот шут на гостинскиот тим, но и поради настапот без тројца стандардни првотимци.

На веќе извесно време отсустниот Ксавиер Темс (семејни проблеми), вечерва му се придружија Стефан Синовец (стомачен вирус) и Ѓорѓе Дреновац (скочен зглоб), што и тоа како се осети во играта на „металците“. Руските кошаркари почнаа агресивно, од почеток ја почувтствуваа слабоста во играта на сино-белите и брзо дојдоа до висока предност, која умешно ја одржаа до самиот крај.

Јуре Лалиќ одигра фантастичен натпревар со 22 поени и тоа со само две промашувања од поле (10/12). Поголемата минутажа одлично ја искористи македонскиот репрезентативец, Адем Мекиќ, со 14 поени, четири скока и три украдени топки, исто толку поени постигна и Даниел Кларк, а Шарлон Клоф реализира 15 поени со шут 7/7 за два поени.

Избраниците на тренерот Анте Назор ќе немаат премногу време за анализирање на овој дуел бидејќи веќе задутре заминуваат за Бар каде што в сабота ќе ги одмерат силите со домаќинот Морнар во меч од АБА-лигата. Последниот дуел од Еврокупот, пак, ќе го одиграме следната средба и тоа како гости на досега неприкосновената шпанска екипа Гран Канарија.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: This email address is being protected from spambots. You need JavaScript enabled to view it.

 

Следете не и на

Top of Page