МЗТ Скопје Аеродром вечерва ѝ гостува на Цедевита

2016 30 Ное

Без поголем резултатски императив, поради фактот што веќе ги загубивме шансите за пласман во следната рунда, кошаркарите на МЗТ Скопје Аеродром вечерва ќе ѝ гостуваат на хрватска Цедевита (20.45) во меч од 8. коло од Еврокупот.

Поради ова, тренерот Анте Назор најави дека дуелот ќе го искористи за подобрување на формата како и дополнителното воигрување на играчите во неговиот систем, пред сѐ во фазата на одбраната.

„Средбата против Цедевита ќе ја искористиме за да влеземе во подобра форма, особено во одбраната и да увежбуваме нови системи со цел да бидеме подобри отколку на претходниот натпревар против Игокеа. Противникот е квалитетен, но нема преголем континуитет во играта. Фактот што тие и понатаму се во игра за втората фаза од Еврокупот, а ние не сме не треба да донесе намалена мотивација во нашиот тим. Треба да одиграме енергично и внимание да посветиме на кошаркарските основи и само така би можеле да ѝ се спротивставиме на Цедевита“, вели Назор.

Сино-белите и на оваа средба ќе настапат без најдобриот стрелец, Американецот Ксавиер Темс, кој поради семејни проблеми мораше да замине во САД. Неговото враќање е планирано за задутре наутро, по што би се вратил во тренажен процес и би бил подготвен за следниот дуел од АБА-лигата, в недела на домашен терен против Будуќност.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page