Јончевски си поднесе оставка, Крстевски и Књазев привремено на кормилото

2016 14 Ное

Александар Јончевски повеќе не е прв тренер на МЗТ Скопје Аеродром, откако денеска и официјално поднесе оставка на оваа функција, која веднаш беше усвоена од управата на клубот.

Ваквата реакција на доскорешниот стратег доаѓа по вчерашниот пораз на гостувањето од Крка, во меч во кој аеродромци одиграа одлично прво полувреме, но потоа драстично паднаа во продолжението. Јончевски го презеде кормилото на „аеродромци“ по заминувањето на Емил Рајковиќ и како главен стратег седеше на клупата во последните девет натпревари во АБА-лигата и во Еврокупот на кои оствари учинок 2-7. Ова доаѓа и по казната од една плата, која управата на клубот им ја изрече на кошаркарите и на стручниот штаб поради лошите резултати како и поради незалагањето и индолентноста покажана на натпреварите и на тренинзите.

Со оглед на тоа што веќе задутре нѐ очекува дуел со Лиеткабелис, а в петок против ФМП, двете на домашен терен, раководството на МЗТ Скопје Аеродром кормилото привремено им го довери на помошникот Горан Крстевски и на тренерската легенда Александар Књазев, кој ќе ја има улогата на стручен консултант. Во меѓувреме ќе се направат напори да се ангажира тренер, чија главна задача ќе биде да го извлече клубот од кризата, да го врати на победничкиот колосек и кој ќе има визија за подолгорочен проект во тимот од „Јане Сандански“.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page