Ни гостува Гран Канарија: Да се одигра најдобро пред легендарната генерација што го победи Реал!

2016 09 Ное

Да се одигра најдобро што се може и да се даде силен отпор на реномираниот противник, кој сезонава е меѓу најдобрите не само во Еврокупот туку и во силната шпанска АЦБ-лига, е желбата на сите во таборот на МЗТ Скопје Аеродром во пресрет на вечерашниот дуел против Гран Канарија (19 часот), во рамки на 5. коло од второто по квалитет клупско натпреварување во Европа.

Мотивот за победа и надигрување е уште поголем кај избраниците на тренерот Александар Јончевски поради фактот што ќе играат пред најголем дел од играчите кои пред точно 20 години во старата „Лименка“ го срушија големиот Реал Мадрид. Таа победа одекна силно во кошаркарска Европа и покажа дека понекогаш и Давид може да го совлада џинот Голијат, нешто кон што се стремат кошаркарите кои вечерва ќе истрчаат во сино-белиот дрес.

Проблемите со повредите се уште се тука, Шарлон Клоф и Марко Симоновски сигурно нема да настапат, додека е нејасно колку во моментов може да помогне Ѓорѓе Дреновац, кој привршува со рехабилитацијата по подолгото отсуство од терените. Мака со скочниот зглоб има и новакот Сулејман Диабате, но тој најавува дека ќе стисне заби и дека ќе даде сѐ од себе во вечерашниот дуел со гостинот од Лас Палмас.

„Свесни сме за силата на Гран Канарија, тим кој игра одлично оваа сезона и кој е непоразен во Еврокупот. Но, тоа не значи дека ќе кренеме бело знаме пред мечот. Нашата самодоверба е на повисоко ниво по победата над Олимпија во АБА-лигата и ќе направиме сѐ за да се надигруваме со одличниот противник. Добро ги знаеме Мекејлеб и Хендрикс, знаеме што можат и ќе се обидеме да ги сопреме. Проблемите со повредите уште се тука, со сигурност ќе бидеме без двајца првотимци, но полека се навикнавме на тоа. Очекувам солиден натпревар и голема борба“, вели тренерот Александар Јончевски.

Средбата се игра во спортскиот центар „Јане Сандански“, со директен пренос на МТВ1. Судии на натпреварот се Луиџи Ламоника (Италија), Семен Овинов (Русија) и Јосип Радојковиќ (Хрватска). За МЗТ Скопје Аеродром ова е четврти меч во Еврокупот досега, а на претходните три загубивме несреќно на една топка од Лиеткабелис и Нижни Новгород на гости и Цедевита на домашен терен.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page