Еден и единствен: Сто меча, 1.076 поени, 302 скока и 187 асистенции за Дамјан во АБА-лигата!

2018 04 Мар

Капитенот на МЗТ Скопје Аеродром, Дамјан Стојановски, пред вчерашниот дуел против Цедевита доби благодарница и пригоден подарок по повод стотиот меч во сино-белиот дрес во АБА-лигата, како прв кошаркар кој дошол до оваа бројка само со настапи само за нашиот клуб.

Македонскиот репрезентативец досега има вкупно 1.076 поени постигнати во регионалното натпреварување заедно со 302 скока и 187 асистенции. Дебито го имаше заедно со нашиот клуб против Цибона во Загреб во 2012 година, а „стотката“ исто така ја заокружи против екипа од хрватската престолнина. Неговиот двоцифрен поентерски просек (10,8), заедно со трите скока и речиси две асистенции по меч доволно говори за неговото значење во досегашната пловидба по Јадранот на екипата од „Јане Сандански“.

Најмногу средби одигра во првата и во четвртата сезона на МЗТ Скопје во АБА-лигата (2012/13 и 2015/16) кога беше на паркетот во сите 26 средби од регуларниот дел од лигата. Во втората одигра 22, бројка која би требало да ја изедначи и сезонава откако ќе го одигра мечот од последното коло следната недела против Морнар во Бар. Најмалку имаше мечеви во сезоната 2014/15 кога поради повреда настапи на пет меча, а не беше дел од составот од Аеродром во минатиот шампионат.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page