Пораз од Цедевита во последниот домашен меч сезонава во АБА

Пораз од Цедевита во последниот домашен меч сезонава во АБА

2018 03 Мар

Кошаркарите на МЗТ Скопје Аеродром загубија во вечерашната пресметка со Цедевита (64-85) во последниот меч на домашен терен сезонава во АБА-лигата, а во склоп на 21. коло од регионалното натпреварување.

Сино-белите три четвртини се држеа против исклучително силниот противник, кој е еден од фаворитите за триумф во лигата на најдобрите од поранешна СФР Југославија. Почнавме добро, по нецели седум минути имавме 13-7, но потоа противникот врати со 19-2 и дојде до двоцифрена предност (25-15). Ова не го поколеба избраниците на тренерот Жељко Лукајиќ, кои го следеа силното темпо на тимот од Загреб, а во третиот период дури и намалија на само пет поени негатива (46-51). Но, помалиот фонд играчи односно далеку подолгата клупа на Цедевита им овозможи на гостите да стиснат до крајот, што им овозможи повторно зголемување на водството, а со тоа и сигурна победа.

Радосав Спасојевиќ со 13 поени беше најефикасен кај МЗТ Скопје Аеродром, Дарко Соколов постигна 12, Јуре Лалиќ беше стрелец на 11, а Дамјан Стојановски својот стоти меч во АБА-лигата го заврши со 10 поени.

Последниот меч во АБА-лигата сезонава го играме следната недела и тоа на гостински терен кај Морнар. Претходно, во вторник, сино-белите ќе ја одработат домашната задача и тоа кај Гостивар.

4 Uni Banka.jpg4 sport m logo web.jpg6. adidas.jpgPekabesko 1.jpgaerodrom-novo-logo.jpgcedevita logo web.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и осум титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: АСНОМ БР.1, 1000 Скопје

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page