Американците Џенсен и Бејли се нови засилувања за МЗТ Скопје Аеродром

2017 18 Авг

Американските кошаркари Даниел Џенсен (23 год, 206 см) и Брет Бејли (23 год, 200 см) се нови имиња во составот со кој тренерот Александар Тодоров ќе ја почне новата сезона на клупата на МЗТ Скопје Аеродром.

Џенсен, кој игра на позицијата крилен центар, веќе има европско искуство со оглед што минатата сезона настапуваше за белгискиот прволигаш Лимбург јунајтед. Станува збор за силен кошаркар со одличен шут од далечина и со секоја трета погодена тројка во текот на целата своја кариера. Претходно, четири години настапувал за Огустана колеџот во НЦАА-лигата каде што во последната година просечно реализирал 20,1 поен заедно со 6,3 скока.

Бејли, пак, игра на позицијата ниско крило и за него ова ќе биде прво кошаркарско искуство надвор од САД. Зад себе има четиригодишен престој во НЦАА-лигата во дресот на Универзитетот Сан Диего каде што минатата сезона имал просек од 15,6 поени и 6,9 скока. Шутот за тројка е најсилно оружје и во играта на Бејли со оглед што погодува со 34,7-отсто, но се одликува и со одлична брзина и атлетизам.

Џенсен и Бејли се очекува на почетокот од следната недела да му се приклучат на сонародникот Ерик Гарсија на подготовките на МЗТ Скопје Аеродром, што значи дека ќе го минат целиот тренажен процес со цел што е можно поподготвени да ја дочекаат новата сезона. Нови членови односно повратници во сино-белиот дрес летово се Дамјан Стојановски и Бобан Стајиќ, потпис на договорот со „металците“ стави и Бојан Трајковски како и младите и талентирани Михајло Митев, Ранко Мамузиќ и Андреј Маслинко додека од минатата сезона останаа Адем Мекиќ и Марко Симоновски.

Тренерот Тодоров првиот официјален тренинг го закажа за во вторник (22 август) во големата сала од спортскиот центар „Јане Сандански“.

1 Sinalco Logo.jpg3kozuvcanka logo.jpg4 sport m logo web.jpg5.Adora logo.jpg6. adidas.jpgBauer logo.jpgJsp_turs1.jpgTineks.jpgaerodrom-novo-logo.jpgcedevita logo web.jpggoldenart logo.jpgsistina logo web.jpgtelekom logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и осум титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: АСНОМ БР.1, 1000 Скопје

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page