Со една солидна четвртина не се победува тим како Цедевита!

2017 02 Јан

Кошаркарите на МЗТ Скопје Аеродром со пораз ја почнаа новата 2017 година, откако попладнево, на домашен терен, загубија во пресметката со Цедевита (79-100), во меч од 16. коло од АБА-лигата.

Избраниците на тренерот Анте Назор беа во игра за победа само во првата четвртина, во која се играше кош за кош, но потоа попушти концентрацијата, а на противникот му проработе шутот. Хрватите на одмор по првото полувреме отидоа со плус 17 (53-36), предност која само умешно ја задржија до крајот на средбата.

Џош Скот со 23 поени, осум скока и пет украдени топки и Ксавиер Темс со 18 поени беа единствените со двоцифрен ефект во сино-белиот табор. Солиден беше и Марко Симоновски со девет поени (3/3 за тројка), Сулејман Диабате постигна седум, а Љубомир Младеновски, Стефан Синовец и Шарлон Клоф по шест поени. Потфрли Ѓорѓе Дреновац, кој средбата ја заврши со четири поени, но со шут 0/8 од поле од кои шест беа удари за три поени.

Следниот предизвик за МЗТ Скопје Аеродром е тимот на Цибона, на кој ќе му гостуваме следната недела (8 јануари).

УниБанкаОпштина Аеродром

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page