Вечерва му гостуваме на Партизан за крај на 2016 година!

2016 24 Дек

Кошаркарите на МЗТ Скопје Аеродром вечерва ќе го одиграат последниот натпревар во 2016 година и тоа на гости кај белградски Партизан (19 часот), второпласираниот тим на табелата во АБА-лигата.

Сино-белите кон српската престолнина заминаа драстично ослабени, без дури тројца стандардни првотимци (Симоновски, Темс, Кларк), но и покрај тоа немаат намера однапред да се предадат туку најавуваат борбена игра и максимална фокусираност во пресметката со силниот ривал.

Пред нас е исклучително тешко гостување против екипа која не случајно е во самиот врв од табелата во АБА-лигата во моментов. Станува збор за добро скоцкан состав, кој е спој на младост и на искуство и во кој има одличен пикен-рол играч, Американецот Хечер, кој одлично го организира нападот и ги пронаоѓа своите соиграчи во идеални позиции. Секако, не смее да се заборави присуството на Новица Величковиќ, кој е вистински лидер на плејадата млади кошаркари кои му се на располагање на тренерот Џикиќ. Но, белграѓани имаат и свои слабости кои ќе се обидеме максимално да ги детектираме и да се подготвиме за нивно искористување. Тоа воопшто нема да ни биде лесно, но имавме доволно време оваа недела да се подготвиме за натпреварот и со фокусирана и борбена игра верувам дека ќе најдеме одговор на најголем дел од проблемите кои ќе ни ги зададе Партизан. Секако ќе ни недостасуваат отсустните играчи, неиграњето на Симоновски, Кларк и на Темс е голем удар за нас, но тоа не смее да ни биде алиби, уште повеќе што и противникот се соочува со одредени здравствени проблеми“, вели тренерот Анте Назор.

Ова за нас ќе биде десетти дуел против Партизан во регионалното натпреварување, а досегашниот скор ни е 3-6, со тоа што една од победите е извојувана токму во салата „Пионир“ во Белград каде што вечерва ќе гостуваме и тоа пред нешто помалку од три години. Судии на вечерашниот дуел се Милија Војиновиќ, Драган Нешковиќ (двајцата од Србија) и Милош Кољеншиќ (Црна Гора), а директниот пренос ќе биде на каналите на Македонската телевизија (МТВ).

УниБанкаОпштина Аеродром

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page