Нов проблем за Назор: Без Даниел Кларк во следните три недели!

2016 20 Дек

Новиот тренер на МЗТ Скопје Аеродром, Анте Назор и понатаму не може да крене глава од проблеми, откако денешниот лекарски извештај ги потврди црните прогнози околу повредата на Британецот Даниел Кларк, кој ќе биде надвор од терените најмалку во следните три недели.

Крилниот центар доби удар во листот на левата нога во финишот од неодамнешниот натпревар против Гран Канарија, поради што не настапи на саботниот меч на домашен терен против Црвена звезда. По направената рентгенска снимла, тој има „руптура на мадијалната глава на гастрокнемичниот мускул во неговиот дистален аспект на левата страна“. Неговото враќање во тимот од „Јане Сандански“ се очекува дури на средбата против Задар, која ќе ја одиграме на домашен терен кон средината на следниот месец, што значи дека сигурно ќе ги пропушти дуелите со Партизан, Цедевита и Цибона.

Ова ќе биде нов голем удар за хрватскиот стратег, кој досега немаше шанса да предводи комплетен тим по доаѓањето во таборот на МЗТ Скопје Аеродром. Изминатиов период надвор од тренажен процес беа Стефан Синовец и Стојан Ѓуроски додека на располагање не беше и Американецот Ксавиер Темс, кој поради семејна трагедија мораше да се врати во САД на извесен период. Неговото враќање меѓу сино-белите се очекува кон крајот на годинава.

УниБанкаОпштина Аеродром

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page