Висок пораз од Цедевита 89-64

2016 06 Мар

Тимот на МЗТ Скопје е поразен од домаќинот Цедевита со убедлив резултат 89-64, во меч од последното коло од АБА лигата кој се одигра вечерва во Загреб. Дуелот започна израмнето во првите неколку минути, за потоа домашниот состав со серија од 14-0 да направи предност од 28-10. Како поминуваше натпреварот предноста на Цедевита константно се зголемуваше па по три четвртини игра разликата во корист на хрватскиот шампион беше 25 поени. Во последниот период се одигра нерешено 18-18, а со тоа остана и високата предност за Цедевита за конечни 89-64.

Во редовите на МЗТ Скопје, Ѓорѓе Дреновац со 21 поен и Марко Љубичиќ со 15 поени беа единствените со двоцифрен поентерски учинок.

Кај Цедевита, Миро Билан и Хенри Вокер постигнаа по 16 поени, додека Пулен постигна 12 поени.


Со вечерашниот пораз, тимот на МЗТ Скопје со учинок од 10 победи и 16 порази ја завршува четвртата сезона во АБА лигата. Точниот пласман на табелата ќе биде познат по одигрувањето на сите средби од последното коло.

Следен натпревар за МЗТ Скопје е дуелот од домашното првенство против тимот на Фени Индустри во Кавадарци, кој е закажан за среда со почеток од 18.00ч.

УниБанкаОпштина Аеродром

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page