Карачиќ ќе се бори под кошевите во отсуство на повредените Крстевски и Маслинко!

2020 10 Ное

Поранешниот младински репрезентативец на Хрватска, Иван Карачиќ (24 год, 203 см) од денеска е составен дел од екипата на МЗТ Скопје Аеродром на првиот сезонски турнир од АБА2-лигата на Златибор, откако дојде да помогне во играта под кошевите како (при)времена замена за повредените Бојан Крстевски и Андреј Маслинко.

Станува збор за крилен центар, кој доаѓа на едномесечен тест-период, со можност соработката да продолжи до крајот на сезоната. Карачиќ сезоната ја почна во полскиот тим Даброва, каде што одигра осум натпревари, пред да реши да си замине на сопствено барање и да се пресели во нашиот тим. Тој е добро познат на нашата кошаркарска јавност со оглед што претходно седум сезони настапуваше за босанскиот прволигаш Широки, против кого игравме во изминатиот период во АБА2-лигата.

Карачиќ, кој е роден во Мостар и има босанско и хрватско државјанство, нема да настапи на нашиот денешен прв меч на Златибор во кој ќе ги одмериме силите со Подгорица (17 часот), поради процедурата во јадранското натпреварување за регистрација на нови играчи. Но, се очекува тој сигурно да биде во составот на Ѓорѓи Кочов на вториот дуел, задутре против Сутјеска.

Крстевски и Маслинко не отпатуваа на првиот турнир од АБА2 поради повреда на прстот на шутерската рака, односно посериозен проблем со лигаментите на скочниот зглоб.

4 Uni Banka.jpgNeuromedika za sajt.jpgaerodrom-novo-logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page